سینیٹ کی نشست پر انتخاب، مسلم لیگ ن آج ہونے والے الیکشن کے لیے حکمت عملی طے کرلی، ن لیگی قیادت نے تمام اراکین کو الیکشن کے لیے حاضری یقینی بنانے کی ہدایت کی۔ مسلم لیگ ن پنجاب کی پارلیمانی پارٹی کا اجلاس مقامی ہوٹل میں ہوا، اجلاس کی صدارت قائمقام اسپیکر ظہیر اقبال چنڑ نے کی، وزیراعلیٰ پنجاب مریم نواز نے بذریعہ ویڈیو لنک اجلاس میں شرکت کی۔
سینئر وزیر پنجاب مریم اورنگزیب نے آج ہونے والے سینیٹ الیکشن کے حوالے سے ارکان صوبائی اسمبلی کو بریفنگ دی۔
پارلیمانی پارٹی نے سینیٹ انتخابات کے حوالے سے حکمت عملی کو حتمی شکل دی۔
اس موقع پر ن لیگی قیادت نے تمام اراکین اسمبلی کو سینٹ انتخابات میں حاضری یقینی بنانے کی ہدایت کی۔
