فیلڈ مارشل عاصم منیر کا ملتان گریژن کا دورہ، ملٹری روابط اور قومی ہم آہنگی پر زور
فیلڈ مارشل عاصم منیر نے ملتان گریژن کا دورہ کیا۔ آرمی چیف نے قومی اتحاد، سول ملٹری روابط اور قومی ہم آہنگی پر زور دیا جبکہ ا فارمیشن کی تیاریوں پر اطمینان کیا۔ فیلڈ مارشل نے پاکستان آرمی ایوی ایشن میں زیڈ ، ٹین ایم ای، اٹیک ہیلی کاپٹر کی شمولیت کی تقریب کی صدارت کی۔
یہ جدید ترین ہیلی کاپٹر ہر موسم میں درست سمیت میں آپریشنل سرگرمیوں کی صلاحیت رکھتا ہے اور جدید ریڈار سسٹمز اور جدید ترین الیکٹرانک وارفیئر سویٹس سے لیس، متنوع فضائی اور زمینی خطرات سے نمٹنے کے لیے فوج کی صلاحیت کو نمایاں طور پر بڑھاتا ہے۔
انہوں نے مظفر گڑھ فیلڈ فائرنگ رینجز میں نئے شامل کیے گئے ہیلی کاپٹروں کے ذریعے فائر پاور کا مظاہرہ دیکھا۔
اس طاقتور نظام کی شمولیت آرمی ایوی ایشن کی جدید کاری میں قدم رکھنے کی جانب اشارہ ہے۔
فیلڈ مارش نے پاک فوج کے جوانوں کیساتھ گفتگو میں غیر معمولی حوصلے، پیشہ ورانہ مہارت اور جنگی مہارت کی تعریف کی۔
انہوں نے مشترکہ ہتھیاروں کی حکمت عملی کے کامیاب مظاہرے کو سراہا، جو کہ جنگ کے ابھرتے ہوئے کردار میں فیصلہ کن برتری کو برقرار رکھنے کے لیے فوج کے پختہ عزم کی عکاسی کرتا ہے۔
