نیشنل سائبر کرائم انویسٹی گیشن ایجنسی (این سی سی آئی اے) نے صارفین کو ہدایت کی ہے کہ اگر ان کا واٹس ایپ ہیک ہو جائے یا انہیں شک ہو کہ کوئی اور ان کا اکاؤنٹ استعمال کر رہا ہے تو فوری اقدامات کریں۔
حکام کے مطابق سب سے پہلے واٹس ایپ کو ان انسٹال اور دوبارہ انسٹال کریں۔ پھر اپنا فون نمبر درج کریں، اور ایس ایم ایس کے ذریعے موصول ہونے والا 6 ہندسوں کا کوڈ فوراً داخل کریں۔
اس کوڈ کی بدولت ہیکر کا موبائل آپ کے واٹس ایپ سے فوراً لاگ آؤٹ ہو جائے گا، کیونکہ واٹس ایپ ایک وقت میں صرف ایک ڈیوائس پر ایکٹیو رہ سکتا ہے۔
این سی سی آئی اے کے مطابق اگر ہیکر نے ٹو سٹیپ ویریفیکیشن آن کر رکھی ہے اور آپ کو پن معلوم نہیں تو واٹس ایپ آپ کو 7 دن انتظار کرنے کا کہہ سکتا ہے۔
ایسے حالات میں پریشان ہونے کی ضرورت نہیں، کوڈ موصول ہوتے ہی آپ کا اکاؤنٹ محفوظ ہو جائے گا۔
جب تک آپ نے ایس ایم ایس کوڈ (اسٹیپ 1) درج کردیا ہے، ہیکر لاگ آؤٹ ہو چکا ہے، اس انتظار کے دوران کوئی بھی آپ کا اکاؤنٹ استعمال نہیں کر سکتا اور نہ ہی پیغامات پڑھ سکتا ہے۔
حکام کے مطابق اگر آپ نے پہلے ای میل ایڈریس لنک کیا ہوا تھا، تو "فارگاٹ پن” پر کلک کریں اور انتظار کیے بغیر فوراً اپنا پن ری سیٹ کریں
