عالمی اور مقامی مارکیٹوں میں آج سونے کی قیمت میں کمی ریکارڈ کی گئی ہے۔ بین الاقوامی بلین مارکیٹ میں فی اونس سونے کی قیمت 20 ڈالر کم ہو کر 4 ہزار 299 ڈالر پر آ گئی، جس کے اثرات مقامی صرافہ بازاروں میں بھی دیکھنے میں آئے۔
ہفتے کے روز 24 قیراط فی تولہ سونے کی قیمت 2 ہزار روپے کی کمی کے بعد 4 لاکھ 52 ہزار 262 روپے ہو گئی۔
اسی طرح فی 10 گرام سونے کی قیمت 1 ہزار 715 روپے کم ہو کر 3 لاکھ 87 ہزار 741 روپے کی سطح پر آ گئی۔
اسی طرح فی تولہ چاندی کی قیمت 220روپے کی کمی سے 6ہزار 464روپے کی سطح پر آگئی ہے اور فی دس گرام چاندی کی قیمت بھی 189 روپے کی کمی سے 5ہزار 541روپے کی سطح پر آگئی۔
