آج کل تقریباً تمام بڑی موبائل کمپنیز فولڈ ایبل فونز بنا رہی ہیں، اور یہاں تک کہ ایپل بھی آئندہ چند سالوں میں اپنا فولڈ ایبل فون متعارف کروانے کی تیاری کر رہی ہے۔ تاہم، سام سنگ گیلیکسی فولڈ کے مارکیٹ میں آنے کے چھ سال بعد بھی فولڈ ایبل فونز کچھ اہم خامیوں کا شکار ہیں۔
سب سے بڑی وجہ ڈیزائن کی پیچیدگی ہے۔ فون کو اتنا پتلا رکھنا ضروری ہے کہ فولڈ کرنے کے بعد بھاری یا موٹا محسوس نہ ہو، جبکہ دو اسکرینیں، کئی کیمرے اور فولڈ ایبل دھات کی ریڑھ جیسے حساس اجزاء ڈیزائن کو مزید مشکل بنا دیتے ہیں۔
نتیجہ یہ ہوتا ہے کہ ہارڈویئر، خاص طور پر کیمرے، فلیگ شپ فونز کے مقابلے میں کمزور رہ جاتے ہیں۔
مثال کے طور پر، گوگل پکسل 10 پرو فولڈ میں کیمرہ سسٹم عام پکسل 10 جتنا ہے، جبکہ پکسل 10 پرو ایکس ایل کے مقابلے میں یہ کمزور ہے۔ یہ مسئلہ سام سنگ اور ویوو کے فونز میں بھی پایا جاتا ہے۔
دوسری اہم خامی ڈسپلے کی کریز ہے، جو فولڈ ایبل فون کے درمیان نظر آتی ہے، اگرچہ روزمرہ استعمال میں یہ زیادہ واضح نہیں۔
اس کے باوجود، لوگ فولڈ ایبل فونز کو پسند کرتے ہیں کیونکہ یہ فیشن ایبل، منفرد اور پرکشش لگتے ہیں، اور مہنگی قیمت بھی ان کی کشش بڑھا دیتی ہے۔
اگر آپ فولڈ ایبل فون لینے کا سوچ رہے ہیں تو بہترین انتخاب ہے گوگل پکسل 10 پرو فولڈ۔ یہ فون سب سے زطاقتور نہیں، لیکن اس کی پرفارمنس اچھی ہے، بیٹری بہتر ہے، اور فون گرم نہیں ہوتا۔
اس کا سب سے بڑا فائدہ دو اسکرینیں ہیں جو شاندار ہیں، خاص طور پر اندر کی بڑی اسکرین فلمیں دیکھنے یا تصاویر دیکھنے کے لیے بہترین ہے۔
اس کے علاوہ، سافٹ ویئر بھی زبردست ہے۔ گوگل کا کلین اینڈرائیڈ اور جیمینی اے آئی فیچرز بڑی اسکرین پر زیادہ مؤثر ہیں۔
اس کی ایک محدودیت صرف اسٹوریج ہے، کیونکہ یہ صرف 256 جی بی میں دستیاب ہے، جو اتنے مہنگے فون کے لیے کم محسوس ہوتا ہے۔
