انسداد دہشت گردی عدالت اسلام آباد نے فیض آباد احتجاج کے کیس میں وزیر اعلیٰ خیبر پختونخوا علی امین گنڈاپور کی گرفتاری کا حکم دے دیا۔ اے ٹی سی کے جج طاہر عباس سپرا نے بانی پی ٹی آئی کی نااہلی پر فیض آباد احتجاج کیس کی سماعت کی۔
پی ٹی آئی رہنما فیصل جاوید خان سمیت دیگر ملزمان عدالت میں پیش ہوئےعدالت نے کہا کہ اسلام آباد پولیس وارنٹ گرفتاری پر عمل کرے۔
اگر پشاور ہائیکورٹ کا کوئی حکم ہے تو اس پر عملدرآمد کیا جائے۔
عدالت نے وکلا کی درخواست پر سماعت ملتوی کر دی، کیس پر آئندہ سماعت چھ اگست کو ہوگی۔
تھانہ انڈسٹریل ایریا میں علی امین گنڈا پور سمیت دیگر پی ٹی آئی رہنماؤں کے خلاف مقدمہ درج ہے۔
