ملک میں پیٹرولیم مصنوعات کی قیمتوں میں بڑی کمی متوقع ہے۔ ذرائع کے مطابق سولہ دسمبر سے پیٹرولیم مصنوعات کی قیمتوں میں تقریباً بارہ روپے تک کمی ہو سکتی ہے۔ آئل انڈسٹری نے پیٹرولیم مصنوعات کی قیمتوں پر ورکنگ پیپر مکمل کر لیا ہے اور اس میں کمی کی سفارشات اوگرا کو ارسال کر دی گئی ہیں۔
ذرائع کے مطابق، پیٹرول کی فی لیٹر قیمت میں 36 پیسے کمی کی تجویز ہے، جبکہ ہائی اسپیڈ ڈیزل کی قیمت میں 11 روپے 95 پیسے کمی کی سفارش کی گئی ہے۔
لائٹ ڈیزل فی لیٹر 10 روپے تک سستا ہو سکتا ہے جبکہ مٹی کے تیل کی فی لیٹر قیمت 11 روپے 70 پیسے کرنے کی تجویز اوگرا کو بھجوائی گئی ہے۔
واضح رہے کہ پیٹرولیم مصنوعات کی قیمتوں میں رد و بدل کا حتمی فیصلہ وزیراعظم کی منظوری کے بعد ہو گا، نئی قیمتوں کا اطلاق 16 دسمبر سے ہو گا۔
