گوگل نے نومبر 2025 میں جیمنائی 3 پرو کو متعارف کرایا تھا اور اب جیمنائی 3 فلیش کو پیش کیا ہے۔
جیسا نام سے ہی عندیہ ملتا ہے کہ یہ گوگل کا زیادہ تیز آرٹی فیشل انٹیلی جنس (اے آئی) ماڈل ہے۔
اسے تیز رفتاری سے کام کرنے کے لیے تیار کیا گیا ہے۔
درحقیقت کمپنی کا کہنا ہے کہ یہ بیشتر پروموٹس کے لیے یہ گوگل سرچ جتنا ہی تیز محسوس ہوتا ہے۔گوگل 3 فلیش اب جیمنائی ایپ میں ڈیفالٹ ماڈل کے طور پر کام کرے گا، البتہ جیمنائی 3 پرو کے لیے فاسٹ کی بجائے تھنکنگ ماڈل کو منتخب کرنا ہوگا۔
گوگل نے بتایا کہ جیمنائی 3 پرو اب بھی ایڈوانسڈ میتھ اور کوڈنگ کے لیے بہترین انتخاب ہے مگر کمپنی پراعتماد ہے کہ فلیش ماڈل دیگر تمام کاموں کے لیے بہترین ثابت ہوگا۔
یہ جیمنائی 2.5 فلیش کے مقابلے میں بہت زیادہ بہتر ہے بلکہ کچھ ٹیسٹوں میں تو یہ اوپن اے آئی کے جی پی ٹی 5.2 کے برابر ثابت ہوا۔
جیمنائی 3 فلیش کو گوگل سرچ کے اے آئی موڈ میں بھی ڈیفالٹ ماڈل بنایا گیا ہے۔
گوگل کے مطابق اے آئی موڈ اب آپ کی ضروریات کو بہتر طریقے سے سمجھ سکے گا اور آپ اس سے زیادہ مشکل سوالات پوچھ سکیں گے اور اس کے مطابق جواب فراہم کیا جائے گا۔
