اے سی سے خارج ہونے والا پانی، جسے عام طور پر بے کار سمجھ کر ضائع کر دیا جاتا ہے، دراصل انتہائی قیمتی ثابت ہو سکتا ہے، خصوصاً اُن علاقوں میں جہاں پانی کی قلت ہے۔
جب ایئر کنڈیشنر گرم اور مرطوب ہوا کو ٹھنڈا کرتا ہے، تو ہوا میں موجود نمی گاڑھی ہو کر پانی کی شکل اختیار کر لیتی ہے، جو بعد ازاں اے سی کے پائپ سے خارج ہوتا ہے۔
یہ پانی قیمتی کیسے ہے؟
یہ پانی کیمیکل سے پاک ہوتا ہے۔ یہ پودوں کو دینے کے لیے بہترین ہے۔ خاص طور پر انڈور اور باغبانی کے لیے کارآمد ہے۔
علاوہ ازیں اے سی کا پانی فرش، گاڑی، کھڑکیاں اور باتھ روم وغیرہ دھونے کے لیے صاف اور گرد و غبار سے پاک پانی ہوتا ہے۔
اگر محفوظ طریقے سے جمع کیا جائے تو اسے کپڑوں یا برتنوں کو دھونے کے لیے استعمال کیا جا سکتا ہے۔
یہ اے سی کا پانی distilled water سے ملتا جلتا ہوتا ہے اس لیے بیٹری یا استری میں بھی استعمال ہو سکتا ہے، بشرطیکہ اے سی میں کوئی زنگ یا گندگی شامل نہ ہو۔
تجربات، کولنگ ٹاورز یا دیگر صنعتی مشینوں میں بھی اے سی کا پانی استعمال ہو سکتا ہے جہاں صاف مگر منرل فری پانی درکار ہوتا ہے۔ جدید فلٹریشن سسٹمز کے ذریعے اسے پینے کے قابل بھی بنایا جا سکتا ہے۔
