پنجاب آلودگی پھیلانے والوں سے نمٹنے کیلئے قانون بنانے والا پہلا صوبہ بن گیا، پنجاب کے دس زونزکی ڈیجیٹل نگرانی کا جدید ترین سمارٹ نظام نافذ کر دیا گیا۔ دس زونز میں آلودگی پر خود کار جدید نظام خبردار کا الرٹ جاری کرے گا، ای پی اے فورس فوری کارروائی کرے گی۔
دس زونز کیلیے زونل انچارج اور انسپکٹرز تعینات کر دیئے گئے،مانیٹرنگ اسکوارڈز نے فیلڈ میں کام شروع کردیا۔
جدید نظام صنعتوں کی چمنیوں، بھٹوں اور گاڑیوں سے نکلنے والے زہریلے دھوئیں کو ٹیکنالوجی سے جانچے گا۔
آرٹیفیشل انٹیلی جنس مقدار اور معیار سے زائد دھوئیں، آلودگی پر مرکزی ڈیجیٹل نظام کو اطلاع دے گی۔
ای پی اے فورس کا متعلقہ شعبے کا دستہ فوری کارروائی کرکے آلودگی پھیلانے کو روکے گا۔
جدید نظام صنعتوں کا زہریلا مواد پانی میں بہانے، کوڑے کرکٹ کو آگ لگانے، پلاسٹک جلانے پر بھی کارروائی کرے گا۔
ہر زون میں جدید ڈرون کیمرے، خصوصی گاڑیاں اور فوری رسپانس ٹیکنالوجی بھی فراہم کر دی گئی۔
