امریکی سفارتخانے نے سعودی عرب میں موجود امریکی شہریوں کو فوری طور پر ملک چھوڑنے کی ہدایت کر دی ہے۔
امریکی سفارتخانے کے مطابق سعودی عرب میں موجود امریکی شہری کمرشل پروازوں کے ذریعے جلد از جلد ملک سے روانہ ہو جائیں۔ بیان میں کہا گیا ہے کہ سعودی فضائی حدود میں میزائل اور ڈرون حملوں کے خطرات میں اضافہ ہو رہا ہے۔
سفارتخانے نے واضح کیا کہ ریاض ، جدہ اور دمام کے ایئرپورٹس فعال ہیں اور شہری انخلا کے لیے دستیاب ہیں۔
بیان میں امریکی شہریوں کو ہدایت کی گئی ہے کہ وہ سعودی عرب کے وارننگ سسٹم کی ہدایات پر عمل کریں اور اپنی حفاظت کو یقینی بنائیں۔
سفارتخانے کے مطابق ڈونلڈ ٹرمپ کی پہلی ترجیح امریکی شہریوں کی حفاظت اور سلامتی ہے۔
